స్వస్తిక్ న్యూస్, సినిమా:-
హైదరాబాద్:- ప్రముఖ జానపద గాయని మంగ్లీ (సత్యవతి) చిక్కుల్లో పడ్డారు. ఆమెతో పాటు ఆమె సోదరుడు మరియు మరికొందరిపై హైదరాబాద్లోని పంజాగుట్ట పోలీస్ స్టేషన్లో కేసు నమోదైంది.
ప్రధానాంశాలు:-మోసం ఆరోపణ: పెట్టుబడుల పేరుతో, అధిక లాభాలు ఇస్తామని నమ్మించి దాదాపు 100 మంది బాధితుల నుండి సుమారు ₹10 కోట్లు వసూలు చేసినట్లు ఆరోపణలు వచ్చాయి. న్యాయం చేయాలని బాధితులు లాయర్ సుబ్బారావును ఆశ్రయించారు. అయితే, మంగ్లీ బృందం ఆ లాయర్ను బెదిరించినట్లు సమాచారం.
కేసు వివరాలు:- లాయర్ ఫిర్యాదు మేరకు పోలీసులు రంగంలోకి దిగారు. మంగ్లీతో పాటు ఆమె సోదరుడు శివ, డైరెక్టర్ వేణు ఉడుగుల మరియు ఇతరులపై పోలీసులు కేసు నమోదు చేసి దర్యాప్తు చేస్తున్నారు. ఈ ఘటనకు సంబంధించి బాధితులు లాయర్ ద్వారా న్యాయపోరాటానికి సిద్ధమవ్వగా, ఎదురుదాడికి దిగి బెదిరింపులకు పాల్పడటంతో విషయం పోలీస్ స్టేషన్ వరకు వెళ్లింది. ప్రస్తుతం ఈ వ్యవహారం టాలీవుడ్ మరియు రాజకీయ వర్గాల్లో చర్చనీయాంశంగా మారింది.
