స్వస్తిక్ న్యూస్, స్పోర్ట్స్ :- టీమిండియా సీనియర్ స్పిన్ ఆల్రౌండర్ రవీంద్ర జడేజాకు సెలెక్టర్ల నుంచి గట్టి ఎదురుదెబ్బ తగిలినట్లు తెలుస్తోంది. భవిష్యత్తు ప్రణాళికల్లో భాగంగా ఈ నిర్ణయం తీసుకున్నట్లు క్రీడా వర్గాల్లో గట్టిగా ప్రచారం జరుగుతోంది.2027 వన్డే ప్రపంచకప్పై గురి రాబోయే 2027 వన్డే ప్రపంచకప్ (WC) కోసం బలమైన జట్టును సిద్ధం చేసే పనిలో పడ్డ సెలెక్టర్లు, టీమ్ మేనేజ్మెంట్.. సీనియర్ ప్లేయర్ జడేజాను పక్కన పెట్టాలని భావిస్తున్నట్లు సమాచారం. సుదీర్ఘ కాలంగా జట్టుకు సేవలు అందిస్తున్న జడేజా స్థానాన్ని మరో ప్రతిభావంతమైన ఆల్రౌండర్ అక్షర్ పటేల్తో భర్తీ చేయాలని మేనేజ్మెంట్ నిర్ణయించినట్లు తెలుస్తోంది.స్పిన్ విభాగానికి సారథిగా అక్షర్ ఒకవేళ ఇదే నిజమైతే భవిష్యత్తులో భారత స్పిన్ దళానికి అక్షర్ పటేల్ నాయకత్వం వహించే అవకాశం ఉంది. ఇటీవల ఇంగ్లాండ్ (ENG)తో జరిగిన తొలి వన్డే మ్యాచ్లో అక్షర్ పటేల్ అద్భుతమైన ఆల్రౌండ్ ప్రదర్శనతో ఒంటిచేత్తో జట్టును గెలిపించిన సంగతి తెలిసిందే. ఈ నిలకడైన ప్రదర్శనే అతని వైపు మొగ్గు చూపేలా సెలెక్టర్లను ప్రేరేపించినట్లు క్రీడా విశ్లేషకులు భావిస్తున్నారు.ఈ మార్పులపై అధికారిక ప్రకటన రావాల్సి ఉంది. ఒకవేళ జడేజాను పక్కన పెడితే భారత వన్డే క్రికెట్లో ఒక శకం ముగిసినట్లేనని అభిమానులు అభిప్రాయపడుతున్నారు.
